Plantun de Prouvènço

Pèr coumpara dos planto d'encò nostre

Groenlandia densa & Panicum barbipulvinatum

Groenlandia densa

Potamogetonaceae

Nom en français : Potamot dense.

Descripcioun :
Lou poutamot-pigna trachis dins li roubino, mueio e riéu. Pòu viéure quàuqui tèms en foro d'aigo. Se recounèis à sis entre-nous courtet e subretout à si fueio óupousado, oundado, longo de 1 à 3 cm e souvènt, mai pas toujour, larjo. Amo mies lis aigo lindo e claro. Ramentan que lis eloudèio an li fueio groupado pèr tres.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 60 Cm
Fueio : óupousado
Tipe bioulougico : Idroufite
Cicle bioulougico : Planto renadivo

Gènre : Groenlandia
Famiho : Potamogetonaceae

Ordre : Alismatales

Coulour de la flour : Verdo
Petalo : >6
Ø (o loungour) enflourejado : 3 mm
Flourido : Printèms - Estiéu

Sòu : ges
Autour basso e auto : Pancaro entresigna
Aparado : Noun
Jun à avoust

Liò : Aigo - Mueio - Roubino
Estànci : Termoumediterran à Coulinen
Couroulougi : Éurasiatico
Ref. sc. : Groenlandia densa (L.) Fourr., 1869 (= Potamogeton densus L., 1753 )

Mi(-de-ribeirés)

Panicum barbipulvinatum

Poaceae Graminaceae

Noms en français : Panic des rivages, Millet des rivages.

Descripcioun :
Aquéu mi fèr, que nous vèn d'Americo de l'uba, sèmblo proun au mi-prim, Panicum capillare, que se rescontro proun dins lis ermas e li champ à l'autouno. Se n'en destrìo emé sis espigueto de coustat que soun pourtado pèr de pecou courtet (< 3 mm) e que rèston proun proche de la ramo (< 10°). D'un biais generau lis espigueto soun mens aluenchado lis uno dis autro. Apoundèn qu'aquéstis espigueto soun mens grosso e pu fino. Pèr l'ouro es esta vist soulamen dins la valado dóu Rose, mai poudèn pensa qu'aquesto meno vai s'espandi. Coumpara emé lou mi-prim e lis àutri mi se n'avès pas l'usanço.

Usanço :
A bessai li mémis usanço que soun cousin lou mi-prim.